„Knattspyrnuráð lítur á samning þennan sem hornstein í því að ná þeim markmiðum sem við höfum sett okkur til næstu ára og óskar bæði stuðningsmönnum og Eiði sjálfum til hamingju með samninginn."

Eiður er 32 ára miðvörður sem uppalinn er hjá ÍBV. Hann sneri aftur til Eyja eftir tímabilið 2020 og hjálpaði liðinu að komast upp í efstu deild sumarið 2021 og að halda sér uppi á liðnu tímabili. Á sínum tíma lék hann einn A-landsleik.

Hann var leikmaður Vals á árunum 2017-2020 og varð þrívegis Íslandsmeistari með liðinu. Hann var orðaður við endurkomu í Val á dögunum en hefur ákveðið að halda kyrru fyrir í Eyjum.