Nágrannaslagurinn milli Liverpool og Everton fór fram á Anfield um helgina. Um var að ræða fyrstu viðureign liðanna síðan Jordan Pickford, markmaður Everton, tæklaði Virgil van Dijk, lykilmann Liverpool, með þeim afleiðingum að hann meiddist en hann er ennþá meiddur. Sá leikur endaði með jafntefli sem var ansi svekkjandi fyrir Liverpool-menn.
Liverpool var hins vegar í vandræðum um helgina og vann Everton að lokum 0-2 sigur þar sem Gylfi Sigurðsson skoraði seinna markið.
Nóttin fyrir leik var hins vegar ekki góð fyrir leikmenn Everton sem dvöldu á hóteli í miðborg Liverpool, þeir voru vaktir upp um miðja nótt.
The Athletic fjallar um málið segir að leikmenn Everton hafi vaknað um nóttina þegar brunaviðvörunarkerfi hótelsins var sett í gang. Forráðamenn Everton eru nokkuð öryggir á því að stuðningsmenn Liverpool hafi sett það í gang.
Þessi truflun um miðja nótt hafði ekki mikil áhrif á leikmenn Everton sem mættu á Anfield og unnu sinn fyrsta sigur á vellinum frá árinu 1999.