Erlent

Gis­card d'Esta­ing fyrr­verandi Frakk­lands­for­seti látinn

Kristín Ólafsdóttir skrifar
Valéry Giscard d'Estaing var Frakklandsforseti á árunum 1974 til 1981.
Valéry Giscard d'Estaing var Frakklandsforseti á árunum 1974 til 1981. Eric Fougere/VIP Images/Getty

Valéry Giscard d'Estaing fyrrverandi forseti Frakklands er látinn, 94 ára að aldri. Andlát hans er sagt tengt veikindum af völdum Covid-19 en hann hafði nýverið verið lagður inn á sjúkrahús í Tours í Vestur-Frakklandi.

Giscard d'Estaing var forseti Frakklands frá 1974 til 1981 og er einna þekktastur fyrir að hafa „siglt Frakklandi inn í nútímann“ í forsetatíð sinni. Það var til að mynda undir hans stjórn sem þungunarrof var lögleitt í Frakklandi og lög um hjónaskilnaði gerð frjálsari.

Hann laut að endingu í lægra haldi fyrir mótframbjóðanda sínum, jafnaðarmanninum François Mitterrand, í forsetakosningum 1981.

Þá var Giscard d'Estaing mikill Evrópusinni og sat um tíma á Evrópuþinginu. Hann lætur eftir sig eiginkonu og fjögur börn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×