Jón Þór Hauksson landsliðsþjálfari kvenna í fótbolta hefur opinberað byrjunarlið Íslands fyrir leikinn gegn Ungverjum sem hefst 14:30. Liðið er óbreytt frá 3:1-sigrinum á Slóvakíu síðastliðinn fimmtudag.
Með sigri og hagstæðum úrslitum í öðrum leikjum tryggir Ísland sér sæti á lokamóti EM í dag, en íslenska liðið er í öðru sæti F-riðils með 16 stig. Ungverjaland er í 4. sæti með sjö stig.
Markvörður: Sandra Sigurðardóttir
Vörn: Gunnhildur Yrsa Jónsdóttir, Glódís Perla Viggósdóttir, Ingibjörg Sigurðardóttir, Hallbera Guðný Gísladóttir
Miðja: Agla María Albertsdóttir, Sara Björk Gunnarsdóttir, Alexandra Jóhannsdóttir, Sveindís Jane Jónsdóttir, Elín Metta Jensen
Sókn: Berglind Björg Þorvaldsdóttir