Júlíus Magnússon fyrirliði Frederikstad í Noregi skoraði fjórða mark liðsins í 5:2 útisigri á Eik-Tönsberg í 32-liða úrslitum norsku bikarkeppninnar í fótbolta í dag.
Júlíus byrjaði á bekknum í dag og kom inn á 62. mínútu en mótherji Frederikstad leikur í þriðju efstu deild. Júlíus skoraði á 78. mínútu leiksins og kom liði sínu í 4:2.
Júlíus hefur verið fastamaður í liði Frederikstad síðan hann gekk til liðs við félagið fyrir síðasta tímabil en Frederikstad leikur í norsku úrvalsdeildinni.