ÍA og KR skildu jöfn uppi á Skipaskaga í 12. umferð Lengjudeildar kvenna í kvöld.
Staðan var enn markalaus þegar dómarinn flautaði til loka fyrri hálfleiks.
Þegar 20 mínútur lifðu leiks kom McKenna Akimi Davidson heimakonum yfir.
Það stefndi í sigur ÍA þegar Kristín Sverrisdóttir jafnaði fyrir KR í uppbótartíma leiksins. Lokatölur 1-1.
KR er á toppi deildarinnar með 29 stig, 3 stigum meira en FH í öðru sæti og 4 meira en Afturelding í því þriðja.
ÍA er í áttunda sæti með 11 stig, 2 stigum fyrir ofan fallsæti. Liðin tvö fyrir neðan eiga þó leik til góða.