Orkuhúsið útvegar lækna og hjúkrunarfræðinga
Setja bókamerki
Sjúkratryggingar Íslands hafa samið við Orkuhúsið um að útvega lækna og hjúkrunarfræðinga til að starfa á Landspítala.
Þetta kemur fram í tilkynningu frá Sjúkratryggingum.
Willum Þór Þórsson heilbrigðisráðherra sagði við fjölmiðla í gær að ríkisstjórnarfundi loknum að á meðal aðgerða sem unnið væri að til að styðja betur við Landspítalann til að takast á við fjölda innlagna vegna Covid-19, væri að semja við ýmsa einkaaðila í heilbrigðisgeiranum til þess að leggja til starfsfólk.
„Verkefnið hefst næsta mánudag, [17.] janúar. Þessi liðstyrkur frá Orkuhúsinu kemur til viðbótar við starfsfólk frá Klíníkinni í Ármúla sem þegar er að störfum á Landspítala samkvæmt samningi við Sjúkratryggingar,“ segir í tilkynningu.
Þá kemur fram að unnið sé að frekari útvíkkun verkefnisins í samstarfi við fleiri læknastöðvar á höfuðborgarsvæðinu. Í tilkynningu er viðsemjendum þakkað fyrir frábært samstarf.
14 til 17 milljarða kr. tap vegna skerðinga
Þakklátur Kínverjum fyrir friðarumleitanir
Mennirnir í haldi lögreglunnar á Suðurnesjum
Vantar fólk: „Þetta er gaman en það er ekki nóg“
Myndskeið: Hátt í 140 lömb á tveimur sólarhringum
Húsnæðisstuðningur framlengdur til áramóta
„Hann var lokaður inni í bátnum“