Leikur Watford og Leicester í ensku úrvalsdeildinni í knattspyrnu sem hefst á Vicarage Road í Watford klukkan 13.00 verður sýndur beint hér á mbl.is.
Útsendingin hefst kl. 12.30 með upphitun á Símanum Sport og er á sérvefnum Enski boltinn. Flautað er til leiksins klukkan 13.00.
Watford er næstneðst í deildinni og er fallið en þetta verður kveðjuleikur Roy Hodgsons á heimavelli. Þessi 74 ára gamli knattspyrnustjóri hyggst setjast í helgan stein að tímabilinu loknu.
Leicester er í tíunda sæti og á enn eftir þrjá leiki. Liðið á möguleika á að enda í áttunda sæti þegar upp verður staðið.