Vinicius Junior, stjarna Real Madrid, hefur mikið verið í umræðunni eftir leik liðsins við Valencia á dögunum.
Brasilíumaðurinn varð þar fyrir rasisma – og það alls ekki í fyrsta sinn í La Liga.
Vinicius var harðorður í viðtali eftir leik, sagði að deild sem eitt sinn tilheyrði stórstjörnum á borð við Lionel Messi og Cristiano Ronaldo tilheyrði nú rasistum.
Forráðamenn La Liga og spænska knattspyrnusambandsins hafa ekki viljað standa með Vinicius og verið fyrir það harðlega gagnrýndir.
Í kjölfarið á þessu máli rifjuðu enskir miðlar upp svar Jurgen Klopp um Vinicius fyrir leik Liverpool gegn Real Madrid fyrr í vetur.
Þar spurði blaðamaður þeirrar ótrúlegu spurningar hvort Vinicius hegðaði sér einhvern veginn eða gerði eitthvað til að stuðla að því að hann verði fyrir áreiti á vellinum.
„Meinarðu hvort hann geri eitthvað á vellinum sem valdi þessu?“ spurði Klopp steinhissa.
„Það er ekkert í þessum heimi sem réttlætir það. Pældu í því ef ég segði já, það væri gjörsamlega klikkað.“
Hér að neðan má sjá svar hans frá því í vetur.
Reminder of how Klopp responded to a crazy question about Vinicius Jnr from a Spanish reporter. pic.twitter.com/yLBwGj18Kb
— Couch Nish (@CouchNish) May 22, 2023