Hættur að styðja ríkisstjórnina ef það væri ekki svona stutt í kosningar Eiður Þór Árnason skrifar 14. september 2021 16:30 Jón Gunnarsson, þingmaður Sjálfstæðisflokksins, og Guðmundur Ingi Guðbrandsson umhverfis- og auðlindaráðherra eru ekki á eitt sammála í umhverfismálum. Samsett Jón Gunnarsson, þingmaður Sjálfstæðisflokksins, er ósáttur með að umhverfisráðherra friðlýsi svæði hægri vinstri á meðan þing er í fríi. Við aðrar kringumstæður væri hann hættur stuðningi við ríkisstjórnina. Þingmaðurinn gerði friðlýsingar Guðmundar Inga Guðbrandssonar að umfjöllunarefni í Facebook-hópnum Örlítill grenjandi minnihluti á dögunum og hafnaði því með öllu að þær væru framkvæmdar með samþykki sjálfstæðismanna. Þar rifjar Jón upp grein frá því í maí í fyrra sem hann skrifaði í tengslum við friðlýsingu umhverfisráðherra á vatnasviði Jökulsár á Fjöllum. „Þar lýsi ég því yfir að haldi ráðherrann áfram uppteknum hætti, sem hann ætlaði að gera, muni ég og fleiri þingmenn flokksins hætta stuðningi við ríkisstjórnina. Hann er síðan að nota tækifærið núna þegar komið er að kosningum og hótun mín hefur ekkert vægi,“ skrifar Jón í færslunni. Taki því ekki að hætta að styðja ríkisstjórnina skömmu fyrir kosningar Í umræddri grein gagnrýnir þingmaðurinn friðlýsinguna harðlega og fullyrðir að ráðherrann hafi ekki lagagrundvöll til þess að friðlýsa svæðið án aðkomu þingsins. Ljóst er að umhverfisráðherra hefur haldið uppteknum hætti þrátt fyrir hótanir þingmanna Sjálfstæðisflokksins. Bara frá því í byrjun ágúst hefur Guðmundur stækkað friðlandið í Flatey og í Garðahrauni ásamt því að undirrita friðlýsingu efsta hluta vatnasviðs Hólmsár og Tungnaár. Má þá skilja þetta sem svo að þú sért hættur að styðja ríkisstjórnina í dag? „Ég meina, það tekur því nú ekki úr því sem komið er, í sjálfu sér reynir ekkert á þetta ríkisstjórnarsamstarf núna. Þetta var sett fram á þeim tíma þegar [umhverfisráðherra] fékk fram friðlýsingu sem ég rek í greininni að ég tel ekki að lagastoð sé fyrir,“ segir Jón í samtali við Vísi. „Hann er síðan að nýta tækifærið núna á síðustu dögum þessa kjörtímabils til að leika svolítið sama leikinn og að sama skapi finnst mér það ekki standast lög.“ Gerir athugasemd við tímasetningu ráðherra Jón segir það mikið álitamál að ráðherrar séu að beita slíkum ákvæðum við þessar aðstæður. Jón telur fráleitt að þingið hafi afsalað valdi til umhverfisráðherra svo hann geti kveðið á um friðlýsingarmörk í stórum og veigamiklum málum „samkvæmt sínum geðþóttaákvörðunum.“ „Það er hreinlega kveðið á um það í lögunum í dag að þingið þurfi að fjalla um þessi friðlýsingarmörk þegar það fjallar um rammaáætlun og þetta er eitt af þeim atriðum sem hefur orðið til þess að við höfum ekki komist áfram með áætlunina,“ segir Jón. Guðmundur Ingi Guðbrandsson, umhverfis- og auðlindaráðherra, hefur verið iðinn við kolann og undirritaði í lok ágúst friðlýsingu efsta hluta vatnasviðs Hólmsár gegn orkuvinnslu.Stjórnarráðið „Það kemur mér ekkert á óvart að hann sé að grípa inn í þetta núna þegar það skiptir engu máli hvort að það sé í sjálfu sér þingmeirihluti á bakvið þessa ríkisstjórn eða ekki,“ bætir Jón við. En ef við værum á öðrum stað á kjörtímabilinu og þing væri starfrækt, myndir þú þá hugsa þér hætta stuðningi við? — „Jájá, þá hefði ég ekki haldið því áfram. Það er alveg ljóst og ég hefði ekki verið einn í þingliði Sjálfstæðisflokkinn tel ég sem hefðu ekki getað stutt umhverfisráðherra áfram í þeirri vegferð sem um ræðir, það er alveg morgunljóst,“ segir Jón. Semsagt ef þetta væri fyrr á kjörtímabilinu, værir þú þá að tala fyrir því að ríkisstjórnarsamstarfinu yrði slitið? „Ja, ég meina þessi grein mín bara stendur og í henni stendur það sem ég sagði og ég hef ekki breytt skoðun minni í því.“ Jón telur fleiri í þingflokki Sjálfstæðisflokksins vera þessarar sömu skoðunar. „Ég tel það já, því við vorum mörg sammála um það sem skoðuðum þetta að ráðherra væri þarna á einhverri vegferð sem stæðist ekki lagagrundvöll,“ bætir Jón við. Áframhaldandi stjórnarsamstarf kalli á áherslubreytingar Aðspurður um það hvort hann myndi styðja áframhaldandi ríkisstjórnarsamstarf Sjálfstæðisflokks, Vinstri grænna og Framsóknar eftir komandi kosningar vísar Jón í orð Bjarna Benediktssonar. „Þar stendur bara það sem formaðurinn hefur sagt, við förum alveg opin inn í þessar kosningar gagnvart því með hvaða flokkum við störfum.“ „Þetta hefur svosem ekkert með það að gera en það er alveg ljóst að ef þetta ríkisstjórnarsamstarf á að vera áfram þá þarf að taka sérstaklega á þessum þætti í stjórnarsáttmálanum.“ Alþingi Umhverfismál Ríkisstjórn Katrínar Jakobsdóttur Sjálfstæðisflokkurinn Vinstri græn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Hættur við að styðja Höllu Hrund Innlent Boða verkfallsaðgerðir á Keflavíkurflugvelli í maí Innlent Fleiri fréttir „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Sjá meira
Þingmaðurinn gerði friðlýsingar Guðmundar Inga Guðbrandssonar að umfjöllunarefni í Facebook-hópnum Örlítill grenjandi minnihluti á dögunum og hafnaði því með öllu að þær væru framkvæmdar með samþykki sjálfstæðismanna. Þar rifjar Jón upp grein frá því í maí í fyrra sem hann skrifaði í tengslum við friðlýsingu umhverfisráðherra á vatnasviði Jökulsár á Fjöllum. „Þar lýsi ég því yfir að haldi ráðherrann áfram uppteknum hætti, sem hann ætlaði að gera, muni ég og fleiri þingmenn flokksins hætta stuðningi við ríkisstjórnina. Hann er síðan að nota tækifærið núna þegar komið er að kosningum og hótun mín hefur ekkert vægi,“ skrifar Jón í færslunni. Taki því ekki að hætta að styðja ríkisstjórnina skömmu fyrir kosningar Í umræddri grein gagnrýnir þingmaðurinn friðlýsinguna harðlega og fullyrðir að ráðherrann hafi ekki lagagrundvöll til þess að friðlýsa svæðið án aðkomu þingsins. Ljóst er að umhverfisráðherra hefur haldið uppteknum hætti þrátt fyrir hótanir þingmanna Sjálfstæðisflokksins. Bara frá því í byrjun ágúst hefur Guðmundur stækkað friðlandið í Flatey og í Garðahrauni ásamt því að undirrita friðlýsingu efsta hluta vatnasviðs Hólmsár og Tungnaár. Má þá skilja þetta sem svo að þú sért hættur að styðja ríkisstjórnina í dag? „Ég meina, það tekur því nú ekki úr því sem komið er, í sjálfu sér reynir ekkert á þetta ríkisstjórnarsamstarf núna. Þetta var sett fram á þeim tíma þegar [umhverfisráðherra] fékk fram friðlýsingu sem ég rek í greininni að ég tel ekki að lagastoð sé fyrir,“ segir Jón í samtali við Vísi. „Hann er síðan að nýta tækifærið núna á síðustu dögum þessa kjörtímabils til að leika svolítið sama leikinn og að sama skapi finnst mér það ekki standast lög.“ Gerir athugasemd við tímasetningu ráðherra Jón segir það mikið álitamál að ráðherrar séu að beita slíkum ákvæðum við þessar aðstæður. Jón telur fráleitt að þingið hafi afsalað valdi til umhverfisráðherra svo hann geti kveðið á um friðlýsingarmörk í stórum og veigamiklum málum „samkvæmt sínum geðþóttaákvörðunum.“ „Það er hreinlega kveðið á um það í lögunum í dag að þingið þurfi að fjalla um þessi friðlýsingarmörk þegar það fjallar um rammaáætlun og þetta er eitt af þeim atriðum sem hefur orðið til þess að við höfum ekki komist áfram með áætlunina,“ segir Jón. Guðmundur Ingi Guðbrandsson, umhverfis- og auðlindaráðherra, hefur verið iðinn við kolann og undirritaði í lok ágúst friðlýsingu efsta hluta vatnasviðs Hólmsár gegn orkuvinnslu.Stjórnarráðið „Það kemur mér ekkert á óvart að hann sé að grípa inn í þetta núna þegar það skiptir engu máli hvort að það sé í sjálfu sér þingmeirihluti á bakvið þessa ríkisstjórn eða ekki,“ bætir Jón við. En ef við værum á öðrum stað á kjörtímabilinu og þing væri starfrækt, myndir þú þá hugsa þér hætta stuðningi við? — „Jájá, þá hefði ég ekki haldið því áfram. Það er alveg ljóst og ég hefði ekki verið einn í þingliði Sjálfstæðisflokkinn tel ég sem hefðu ekki getað stutt umhverfisráðherra áfram í þeirri vegferð sem um ræðir, það er alveg morgunljóst,“ segir Jón. Semsagt ef þetta væri fyrr á kjörtímabilinu, værir þú þá að tala fyrir því að ríkisstjórnarsamstarfinu yrði slitið? „Ja, ég meina þessi grein mín bara stendur og í henni stendur það sem ég sagði og ég hef ekki breytt skoðun minni í því.“ Jón telur fleiri í þingflokki Sjálfstæðisflokksins vera þessarar sömu skoðunar. „Ég tel það já, því við vorum mörg sammála um það sem skoðuðum þetta að ráðherra væri þarna á einhverri vegferð sem stæðist ekki lagagrundvöll,“ bætir Jón við. Áframhaldandi stjórnarsamstarf kalli á áherslubreytingar Aðspurður um það hvort hann myndi styðja áframhaldandi ríkisstjórnarsamstarf Sjálfstæðisflokks, Vinstri grænna og Framsóknar eftir komandi kosningar vísar Jón í orð Bjarna Benediktssonar. „Þar stendur bara það sem formaðurinn hefur sagt, við förum alveg opin inn í þessar kosningar gagnvart því með hvaða flokkum við störfum.“ „Þetta hefur svosem ekkert með það að gera en það er alveg ljóst að ef þetta ríkisstjórnarsamstarf á að vera áfram þá þarf að taka sérstaklega á þessum þætti í stjórnarsáttmálanum.“
Alþingi Umhverfismál Ríkisstjórn Katrínar Jakobsdóttur Sjálfstæðisflokkurinn Vinstri græn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Hættur við að styðja Höllu Hrund Innlent Boða verkfallsaðgerðir á Keflavíkurflugvelli í maí Innlent Fleiri fréttir „Ég held að Landskjörstjórn þurfi að endurskoða sína lögfræðiþekkingu“ Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Sjá meira