Talsmaður breska forsætisráðuneytisins greindi frá því nú fyrir stundu að fríverslunarviðræðum Breta og Evrópusambandsins væri lokið. Sagði í yfirlýsingu Breta að það væri enginn tilgangur með frekari viðræðum í næstu viku nema Evrópusambandið væri reiðubúið til þess að ræða lagaleg atriði samkomulagsins í smáatriðum. 

Boris Johnson forsætisráðherra sagði fyrr í dag að Bretar yrðu að búa sig undir að undanþágutíma þeirra myndi ljúka um næstu áramót án ný fríverslunarsamkomulags. Í frétt BBC um málið segir að forsvarsmenn Evrópusambandsins hafi lýst sig reiðubúna í nánari viðræður, en að þeir myndu ekki gera samkomulag á hvaða kostum sem er. 

Frétt af mbl.is

Bretar búi sig undir útgöngu án samnings

Gert var ráð fyrir að Michel Barnier, aðalsamningamaður Evrópusambandsins myndi fara til Lundúna nú á mánudaginn, en í yfirlýsingu Breta sagði að það yrði tímasóun fyrir Barnier nema ESB skipti um stefnu í viðræðunum. „Viðræðunum er lokið. ESB hefur slitið þeim í raun með því að lýsa yfir að það vilji ekki breyta samningsafstöðu sinni,“ sagði talsmaður Johnsons á blaðamannafundi. 

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt