Magdeburg byrjar keppnistímabilið vel í efstu deild þýska handboltans og hefur unnið þrjá af fyrstu fjórum leikjunum.
Magdeburg heimsótti Ludwigshafen í kvöld og vann 28:22. Ómar Ingi Magnússon var atkvæðamikill og skoraði 5 mörk fyrir Magdeburg en Gísli Kristjánsson lék ekki með.
Fjórir leikir voru á dagskrá í kvöld. Rhein Neckar Löwen hefur unnið þrjá af fyrstu fjórum leikjunum eins og Magdeburg en fyrsta tap liðsins kom í kvöld. Löwen tók á móti Leipzig sem vann 28:23 og tyllti sér í toppsæti deildarinnar með 7 stig Ýmir Örn Gíslason skoraði eitt mark fyrir Löwen en Alexander Petersson skoraði ekki.
Bergischer tapaði heima fyrir Wetzlar 22:20 og þar með sínum fyrsta leik í deildinni. Arnór Gunnarsson skoraði 2 mörk fyrir Bergischer, gaf stoðsendingu og stal boltanum einu sinni. Ragnar Jóhannsson var hins vegar ekki með.
Þá vann Fücshe Berlin lið Hannover-Burgdorf 31:27.