Alls voru 28 mörk skoruðu í leikjunum átta sem fóru fram í 16-liða úrslitum HM karla í fótbolta í Katar.
Ekki hafa verið skoruð fleiri mörk á þessu stigi keppninnar síðan 16-liða úrslitunum var komið á fót með núverandi hætti á HM 1986 í Mexíkó.
Af þessum 28 mörkum eru mörk í vítaspyrnukeppni ekki talin með en mörk í framlengingu, sem voru þó engin að þessu sinni, hefðu verið talin með.
Flest mörk í einum leik komu í kvöld þegar Portúgal vann 6:1-stórsigur á Sviss.
Einnig komu fæst mörk í einum leik, ekkert, í markalausu jafntefli Marokkó og Spánar, í kvöld. Marokkó hafði svo betur 3:0 í vítaspyrnukeppni.
Úrslitin í 16-liða úrslitunum:
Holland - Bandaríkin 3:1
Argentína - Ástralía 2:1
Frakkland - Pólland 3:1
England - Senegal 3:0
Japan - Króatía (1:1) 2:4 vsp.
Brasilía - Suður-Kórea 4:1
Marokkó - Spánn (0:0) 3:0 vsp.
Portúgal - Sviss 6:1