Hljómsveitin Baggalútur hefur ákveðið að aflýsa fyrirhuguðum jólatónleikum sínum í Háskólabíói í desember 2020. Allir miðar verða endurgreiddir.
Baggalútur mun þó koma til með að blása jólaandanum í þjóðina því hljómsveitin mun standa fyrir þriggja þátta tónlistarveislu á aðventunni. Þættirnir Kósíheit í Hveradölum verða sýndir á Rúv og hefjast laugardagskvöldið 5. desember.