Sex skjálftar yfir 3 að stærð hafa mælst á Reykjanesi frá því á miðnætti. Stærstur þeirra var 3,6 að stærð og reið hann yfir klukkan 04.11.

Í tilkynningu frá Veðurstofunni segir að þótt skjálftavirknin sé áfram mikil hafi enginn órói mælst á svæðinu, en órói getur verið fyrirboði eldgoss.

Virknin er enn að mestu bundin við Fagradalsfjall og voru skjálftarnir sex allir í um kílómetra fjarlægð frá fjallinu.

Alls mældust 2.800 jarðskjálftar á svæðinu í gær, og frá miðnætti hafa þeir verið 700. Heildarfjöldi skjálfta frá því hrinan hófst fyrir tíu dögum er 22.000.

Tengdar fréttir

Eldvirkni á Reykjanesskaga

Gætu verið nokkrar vikur eða mánuðir í næsta atburð

• Um 60 skjálftar – Landris heldur áfram
• Lagafrumvarp um málefni Grindavíkur samþykkt
• Um 60 skjálftar í kvikuganginum
• Land risið um 20 sentimetra: Gæti gosið án fyrirvara

» Fleiri tengdar fréttir

• Blogga um frétt