Ekki verður leikið um Meistarabikar Evrópu fyrir luktum dyrum en Bayern München og Sevilla mætast í þessum árlega viðburði í Búdapest í Ungverjalandi annað kvöld.
Ekki er heimilt að fylla leikvanginn en ákveðið var að leyfa um 30% sætanotkun og sé áhugi fyrir hendi þá gætu hátt í 20 þúsund manns komið saman á leiknum.
Í meistarabikarnum mætast sigurvegararnir í Evrópukeppnum félagsliða, Meistaradeildinni og Evrópudeildinni.