Arnar jafnaði við Guðjón

Arn­ar Gunn­laugs­son þjálf­ari Vík­ings hef­ur stýrt liði sínu til sig­urs í bik­ar­keppni karla í knatt­spyrnu í fjög­ur skipti í röð. 

Ekki er hægt að tala um fjög­ur ár í röð í þessu sam­bandi held­ur fjög­ur skipti. Vík­ing­ur hef­ur unnið bik­ar­inn fjög­ur skipti í röð 2019, 2021, 2022 og 2023 eft­ir sig­ur á KA 3:1 í úr­slita­leik á Laug­ar­dals­velli í gær. Árið 2020 féll keppni í bik­ar­keppn­inni niður vegna heims­far­ald­urs­ins. 

Arn­ar Gunn­laugs­son jafnaði í dag ár­ang­ur síns gamla þjálf­ara, og sveit­unga frá Akra­nesi, Guðjóns Þórðar­son­ar ef þannig má að orði kom­ast. Guðjón vann það ótrú­lega af­rek að vinna bik­ar­keppn­ina fjög­ur ár í röð sem þjálf­ari. Með ÍA 1993 og 1996 og KR 1994 og 1995. Þegar KR sigraði 1994 hafði liðið ekki unnið stóra keppni frá ár­inu 1968. 

Arn­ar Gunn­laugs­son fagn­ar sigri. mbl.is/Ó​ttar Geirs­son

Arn­ar lék und­ir stjórn Guðjóns hjá ÍA 1991 og 1992 áður en Arn­ar hélt utan í at­vinnu­mennsk­una og aft­ur hjá Stoke City upp úr alda­mót­um.

Arn­ar lék eubbug lands­leiki und­ir stjórn Guðjóns og var til að mynda í byrj­un­arliðinu á Laug­ar­dals­vell­in­um haustið 1998 þegar Ísland gerði jafn­tefli við heims­meist­ara Frakka 1:1 í undan­keppni EM en Frakk­ar eru ein­mitt Evr­ópu­meist­ar­ar árið 2000. 

Li­li­an Thur­am og Christian Kar­em­beu fylgj­ast með Arn­ari í leikn­um gegn Frökk­um árið 1998. mbl.is/​Krist­inn Ingvars­son

• Blogga um frétt