Lögreglan í Schiphol í Hollandi handtók í kvöld par sem hafði flúið út út af hóteli þar sem þau sættu sóttkví eftir að hafa greinst með Covid-19 við komuna frá Suður-Afríku. Parið var komið upp í flugvél á leið út úr landi.
Mörg ríki hafa lokað á komur farþega frá syðri hluta Afríku vegna tilkomu Ómíkrón og í gær voru takmarkanir hertar á landamærum Íslands fyrir farþega sem hafa dvalið í Botsvana, Esvatíní, Lesótó, Mósambík, Namibía, Simbabve eða Suður-Afríku innan tveggja vikna frá komu.
„Handtakan fór fram í flugvél sem var að búa sig undir brottför. Þau voru bæði tvö færð til heilbrigðisyfirvalda,“ segir í tilkynningu frá lögreglunni á Twitter.
De Koninklijke Marechaussee op Schiphol heeft vanavond een echtpaar aangehouden dat uit een quarantainehotel was gevlucht. De aanhoudingen vonden plaats in een vliegtuig dat op het punt stond te vertrekken. Beide personen zijn overgedragen aan de GGD.
— Koninklijke Marechaussee (@Marechaussee) November 28, 2021
61 farþegi úr tveimur vélum frá Suður-Afríku greindist með Covid-19 við komuna til Hollands í gær. Þeir sem greindust þar fóru í einangrun á hóteli í grennd við flugvöllinn.