Brimbrettakappi setti heimsmet

Ástralinn Blake Johnston setti nýtt heimsmet með því að standa á brimbretti í rúmar 30 klukkustundir.

Blake Johnston ræðir við fjölmiðla eftir að hafa slegið metið. AFP

Johnston, sem er fertugur og fyrrverandi atvinnumaður í íþróttinni, grét eftir að hafa slegið met Suður-Afríkubúans Josh Enslin upp á 30 klukkustundir og 11 mínútur.

Mörg hundruð stuðningsmenn fylgdust með kappanum leika listir sínar á Cronulla-strönd í borginni Sydney. Hann þakkaði fyrir sig þegar hann fór í eina af fáum matar- og drykkjarpásum sem voru leyfilegar, áður en hann fór aftur út í sjóinn til að bæta heimsmetið enn frekar. 

• Blogga um frétt