Lögreglan í Bretlandi handtók í dag mann sem grunaður er um að hafa brotist inn í breska þingið, sem varð til þess að svæðinu var lokað tímabundið í dag.
Efitr að þingmaðurinn David Amess var stunginn til bana í október, er hann hitti kjósendur á kjördæmafundi sem haldinn var í Leigh-on-Sea, hafa öryggisráðstafanir þingsins verið hertar verulega.
Innanríkisráðherra Bretlands, Priti Patel, sagði í október að hryðjuverkaógnin fyrir þingmenn hefði aukist verulega eftir dauða Amess.
Lögreglan á svæðinu var fljót að gefa út að handtaka mannsins í dag hafi ekki verið meðhöndluð sem um hryðjuverk væri að ræða.
„Maður var handtekinn við Carriage Gates inni í höllinni í Westminster, grunaður um að hafa farið inn á verndarsvæði,“ sagði lögregla í yfirlýsingu.