Dramatík í Úlfarsárdal

Árni Bragi Eyj­ólfs­son og Þor­steinn Leó Gunn­ars­son voru marka­hæst­ir hjá Aft­ur­eld­ingu þegar liðið heim­sótti Fram í úr­vals­deild karla í hand­knatt­leik í Fram­hús í Úlfarsár­dal í 3. um­ferð deild­ar­inn­ar í kvöld.

Leikn­um lauk með tveggja marka sigri Aft­ur­eld­ing­ar, 32:30, en þeir Árni Bragi og Þor­steinn Leó skoruðu sjö mörk hvor.

Eft­ir leik­inn er Aft­ur­eld­ing með fjög­ur stig eft­ir þrjá leiki en Fram með þrjú stig. 

Mik­ill hraði var í leikn­um frá fyrstu mín­útu og skipt­ust liðin á að jafna og kom­ast yfir í leikn­um. Liðin voru þó bæðii frek­ar mis­tæk í sókn­araðgerðum sín­um og voru stór­skytt­urn­ar Þor­steinn Leó í liði Aft­ur­eld­ing­ar og Rún­ar Kára­son í liði Fram báðir frek­ar mis­tæk­ir í fyrri hálfleik.

Eft­ir 24. mín­út­ur af leikn­um náði lið Fram und­ir­tök­un­um í leikn­um og leiddu mest með þriggja marka mun og voru hálfleikstöl­ur 14:12 fyr­ir Fram.

Markverðir beggja liða áttu fín­an fyrri hálfleik. Lár­us Helgi Ólafs­son varði 8 skot í marki Fram og þar af voru tvö víta­skot. Í marki Aft­ur­eld­ing­ar varði Brynj­ar Vign­ir Sig­ur­jóns­son 7 skot.

Lið Fram byrjaði síðari hálfleik­inn af mikl­um krafti og juku for­skotið í fjög­urra marka mun eft­ir 7 mín­út­ur. Þá tók Gunn­ar Magnús­son þjálf­ari Aft­ur­eld­ing­ar leik­hlé og las yfir sín­um leik­mönn­um enda Fram miklu betri á öll­um sviðum. Eft­ir leik­hlé fóru hlut­ir að ger­ast hjá Aft­ur­eld­ingu og tókst þeim að minnka mun­inn niður í eitt mark í stöðunni 22:21 og aft­ur 25:24. Leik­menn Aft­ur­eld­ing­ar fengu mörg tæki­færi til að jafna leik­inn en nýttu fær­in sín afar illa og meðal ann­ars eitt ví­tak­ast.

Á 54. mín­útu braut Mar­ko Coric mjög illa á Þor­steini Leó og fékk ein­ung­is tvær mín­út­ur fyr­ir. Vildu marg­ir meina að þarna hefði átt að úti­loka Mar­ko frá frek­ari þátt­töku í leikn­um.

Loks­ins tókst Aft­ur­eld­ingu að jafna í leikn­um í stöðunni 27:27. Fram náði aft­ur for­yst­unni í 28:27 en Aft­ur­eld­ing jafnaði í 28:28 og aft­ur í 29:29. Þá hófst æsispenn­andi lokakafli þar sem Aft­ur­eld­ing komst yfir í fyrsta skiptið í síðari hálfleik. Leikn­um lauk með tveggja marka sigri Aft­ur­eld­ing­ar, 32:30 eft­ir æsispenn­andi loka­mín­út­ur.

Dómgæsl­an í kvöld var væg­ast sagt skelfi­leg oft á tíðum og þá sér­stak­lega á viðkvæm­um tíma­punkt­um í leikn­um mátti halda að þeir Árni og Þor­var Bjarmi væru að halda tón­leika með flaut­un­um. Í lok­in höfðu þeir litla stjórn á leikn­um.

Rún­ar Kára­son og Tryggvi Garðar Jóns­son skoruðu 6 mörk fyr­ir Fram. Lár­us Helgi Ólafs­son varði 10 skot í marki heima­manna. Í liði Aft­ur­eld­ing­ar skoraði Árni Bragi Eyj­ólfs­son 7 mörk og varði Brynj­ar Vign­ir 8 skot. Jov­an Kukobat varði 7 skot í síðari hálfleik og átti stór­an þátt í að Aft­ur­eld­ing náði að vinna hér í kvöld.

Fram	30:32	Aft­ur­eld­ing	Opna lýs­ingu Loka
60. mín. Fram tek­ur leik­hlé
Augna­blik — sæki gögn...

• Blogga um frétt