Í dag kom út safnplata sem inniheldur 45 lög í flutningi Ragnars Bjarnasonar frá glæsilegum 65 ára ferli hans. Platan ber titilinn Þannig týnist tíminn: Vinsælustu lög Ragga Bjarna. 22. september er fæðingardagur Ragnars en hann hefði orðið 86 ára í dag.
Ragnar lést þann 25. febrúar á þessu ári 85 ára að aldri.
Platan verður fyrst um sinn aðgengileg á Spotify og öðrum streymisveitum en þegar nær dregur jólum kemur hún út á vínyl og geisladiski.