Tónlistarkonan Ellen Kristjánsdóttir, móðir þeirra Sigríðar, Elísabetar, Elínar og Eyþórs Eyþórsbarna sem keppa fyrir hönd Íslands í Eurovision hvetur alla til að senda skilaboð til íslenska hópsins.
„Væruð þið til í að vera með í að senda skilaboð til Systrana og mister sister(Eyþórs Inga litla bróður) og hópsins þeirra? Skilaboð sem varða allan heiminn - skilaboð um Von,“ skrifar Ellen í færslu á Facebook.
„Myndið hjörtu með höndunum, svo má teikna á handarbakið liti sem þið veljið. Það er hægt að gera þetta einn, tveir, í hópum, kórum, skólum, fyrirtækjum - bara allskonar. Takið mynd/band og setjið á þá samfélagsmiðla sem þið kjósið,“ bætir Ellen við.
Hún segir líka hina leiðina vera að klæðast einhverju grænu fyrir systkinin eða vera með eitthvað grænt á laugardagskvöld. „Það er lukkuliturinn fyrir hópinn okkar úti og alheimsfrið,“ skrifar Ellen.