Fegurðardrottning með kórónuveiruna
Setja bókamerki
Ein fegurðardrottning greindist smituð af kórónuveirunni við komuna til Ísraels í vikunni. Fegurðarsamkeppnin Miss Universe 2021 fer fram í Eilat í Ísrael hinn 12. desember næstkomandi og eru fegurðardrottningar frá um 80 ríkjum komnar til landsins til að taka þátt.
Stjórnendur keppninnar hafa ákveðið að keppnin muni fara fram þrátt fyrir smit á meðal kepppenda en hin smitaða fegurðardrottning er nú komin í einangrun á sóttkvíarhóteli á vegum stjórnvalda í Ísrael. Hún er fullbólusett en stjórn keppninnar hefur ekki gefið upp frá hvaða landi drottningin er.
Fegurðardrottningin Elísa Gróa Steinþórsdóttir keppir fyrir hönd Íslands í keppninni en hún er ekki sú smitaða samkvæmt Instagram-síðu hennar og hefur verið í fullu fjöri með öðrum drottningum í Eilat í dag.
Ómíkron hefur áhrif
Ráðamenn í Ísrael hertu sóttvarnaraðgerðir um helgina vegna nýs afbrigðis kórónuveirunnar, Ómíkron afbrigðisins. Þrátt fyrir hertar aðgerðir hefur verið ákveðið að halda keppnina, enda fjöldi keppenda kominn til landsins til að taka þátt.
Ferðamálaráðherra landsins, Yoel Razvozov, sagði á sunnudag að keppendur myndu þó þurfa að lúta ströngum reglum og fara í PCR próf á 48 tíma fresti á meðal dvölinni í Ísrael stendur. Þá verður einnig aðgangur fólks frá hááhættusvæðum takmarkaður að keppninni.
Keppnin verður sýnd í beinni sjónvarpsútsendingu í 174 löndum.
14 til 17 milljarða kr. tap vegna skerðinga
„Ég hélt ég myndi deyja, með dóttur mína í bílnum“
Veita fyrirtækjum brú yfir óvissutímabil
Telur að Rússar herði sókn sína í norðaustri
Myndskeið: Hátt í 140 lömb á tveimur sólarhringum
Kostnaðurinn nemur allt að þremur milljörðum
Vantar fólk: „Þetta er gaman en það er ekki nóg“
Fann bein og tönn úr dýrum í sprungunni