Fá að mæta í skólann en skilyrði um skimun tvisvar í viku Elín Margrét Böðvarsdóttir skrifar 22. febrúar 2021 23:31 Nemendur í núllta til fjórða bekk grunnskóla í Danmörku fengu að mæta aftur í skólann þann 8. febrúar. EPA/TIM KILDEBORG JENSEN/DENMARK OUT Sérfræðingar í Danmörku leggja til að leyft verði að opna ákveðnar verslanir og að afþreying utandyra fái að hefjast á nýjan leik þegar tilkynnt verður um næstu skref við afléttingu takmarkana vegna kórónuveirufaraldursins í Danmörku. Þá er lagt til að nemendur sem eiga að útskrifast í vor fái að mæta aftur í skólann aðra hvora viku. Aftur á móti á það aðeins við nemendur í ákveðnum landshlutum og er háð því að nemendur sýni reglulega fram á neikvætt covid-19 próf. Verkefnahópur á vegum heilbrigðisyfirvalda hefur gert spálíkan þar sem reiknuð er út áætluð útbreiðsla faraldursins ef dregið verður úr takmörkunum þann 1. mars. Núgildandi takmarkanir eru í gildi til 28. febrúar en á morgun stendur til að kynna hvort og þá hvaða breytingar munu taka gildi um mánaðamótin. Búist er við að næstu skref verði byggð á ráðleggingum sérfræðinganna. Strangar reglur síðan fyrir jól Afar harðar sóttvarnaaðgerðir hafa verið í gildi í Danmörku frá því fyrir jól. Allir sem geta eiga helst að vinna heima, börn hafa ekki mátt mæta í skólann og allar verslanir sem ekki selja lyf eða mat hafa verið lokaðar frá því 25. desember. Barir og veitingastaðir hafa verið lokaðir lengur og sömu sögu er að segja um menningarstofnanir hvers kyns líkamsræktarstöðvar og íþróttaæfingar. Fjöldatakmarkanir miðast við að hámarki fimm manns sem mega koma saman. Þá er grímuskylda í öllum verslunum og opinberum byggingum sem þó eru opnar og sama á við um almenningssamgöngur. Eins eru í gildi gríðarlega strangar reglur á landamærum. Fyrr í þessum mánuði fengu þó yngstu börn grunnskóla að snúa aftur í skólann og leikskólar eru opnir. Tuttugu í stað fimm fái að stunda íþróttir utandyra Í kvöld birtu danskir fjölmiðlar fréttir upp úr tillögum sérfræðingahópsins, en tillögurnar eru að mörgu leyti svæðisbundnar og ná aðeins nokkrar þeirra til landsins alls. Þannig er lagt til að verslanir sem eru allt að fimm þúsund fermetrar fái að opna, með fjöldatakmörkunum þó. Á þetta til að mynda við um fataverslanir, bókabúðir og ýmsa sérvöruverslun, en þó nær þetta ekki til verslana innan verslunarmiðstöðva. Þá er lagt til að menningarstofnanir þar sem starfsemi er undir berum himni verði leyft að opna á nýjan leik. Tívolí í Kaupmannahöfn er ekki nefnt sérstaklega í tillögunum, en það er líklega sú menningarstofnun sem margir Danir og gestir Kaupmannahafnar bíða eftir að fá að heimsækja á nýjan leik. Grímuskylda er í almenningssamgöngum í Danmörku líkt og svo víða annars staðar í heiminum.Getty Þá er lagt til að tuttugu í einu fái að stunda skipulagt íþrótta- og tómstundastarf utandyra, en hingað til hafa ekki mátt fleiri en fimm koma saman í einu, hvort sem það er innan eða utandyra. Þá er það upptalið hvað varðar aðgerðir sem ná til landsins alls. Ekki er gert ráð fyrir breytingum á almennum fjöldatakmörkunum. Fá að mæta aðra hvora viku Til viðbótar er lagt til að á Norður- og Vestur Jótlandi verði námsmönnum sem eru á útskriftarári heimilt að mæta aftur í skólann aðra hvora viku. Þeim sem hyggjast mæta aftur í skólann verður þó gert að fara í skimun fyrir covid-19 tvisvar sinnum í viku. Þá er lagt til að starfsemi framhaldsskóla geti hafist að fullu á ný samkvæmt sérstakri áætlun um sóttvarnir sem unnin hefur verið af landlæknisembættinu. Fari smituðum enn fækkandi í öðrum landshlutum kemur til greina að sömu ráðstafanir taki gildi á fleiri stöðum eftir tvær vikur, eða þann 15. mars. Miðað er við að enduropnun verði að fullu náð um landið allt eftir páskafrí, eða þann 5. apríl, ef staðan í faraldrinum leyfir. Öll grunnskólabörn fá að fara í skólann í Bornholm Í Bornholm er lagt til að enn frekari tilslakanir taki gildi en í öðrum landshlutum. Þar er meðal annars gert ráð fyrir að öll grunnskólabörn fái að mæta aftur í skólann og í raun að allar menntastofnanir allt upp í háskólastig fái að hefja staðnám að nýju. Mette Frederikssen forsætisráðherra heimsótti grunnskóla á höfðuborgarsvæðinu daginn sem yngstu börnin fengu að mæta aftur í skólann. Skólasystkini þeirra í efri bekkjum á Sjálandi fá þó ekki að mæta aftur í skólann alveg strax. EPA/MADS CLAUS RASMUSSEN/DENMARK OUT Þar er einnig gert ráð fyrir að fjöldatakmarkanir fari upp í tíu manns á meðan áfram gildir víðast hvar að mest fimm megi koma saman. Þessu fylja þó ákveðin skilyrði. Þannig er mælt með að allir fari í skimun einu sinni í viku auk þess sem krafa verður um neikvætt covid-próf til að fá að ferðast til og frá Bornholm með ferju eða flugvél. Þrátt fyrir þessar tillögur er gerður sá fyrirvari að ef eitthvað breytist í þróun faraldursins kunni að vera gripið til hertra aðgerða á nýjan leik, sem kunni að vera staðbundnar. Um 450 greindust með covid-19 síðasta sólarhring í Danmörku sem er aðeins um tíu prósent af því þegar mest lét í desember þegar fjöldi daglegra smita fór á tímabili yfir fjögur þúsund. Danmörk Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Bandarísk þota í vandræðum lenti í Keflavík Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira
Verkefnahópur á vegum heilbrigðisyfirvalda hefur gert spálíkan þar sem reiknuð er út áætluð útbreiðsla faraldursins ef dregið verður úr takmörkunum þann 1. mars. Núgildandi takmarkanir eru í gildi til 28. febrúar en á morgun stendur til að kynna hvort og þá hvaða breytingar munu taka gildi um mánaðamótin. Búist er við að næstu skref verði byggð á ráðleggingum sérfræðinganna. Strangar reglur síðan fyrir jól Afar harðar sóttvarnaaðgerðir hafa verið í gildi í Danmörku frá því fyrir jól. Allir sem geta eiga helst að vinna heima, börn hafa ekki mátt mæta í skólann og allar verslanir sem ekki selja lyf eða mat hafa verið lokaðar frá því 25. desember. Barir og veitingastaðir hafa verið lokaðir lengur og sömu sögu er að segja um menningarstofnanir hvers kyns líkamsræktarstöðvar og íþróttaæfingar. Fjöldatakmarkanir miðast við að hámarki fimm manns sem mega koma saman. Þá er grímuskylda í öllum verslunum og opinberum byggingum sem þó eru opnar og sama á við um almenningssamgöngur. Eins eru í gildi gríðarlega strangar reglur á landamærum. Fyrr í þessum mánuði fengu þó yngstu börn grunnskóla að snúa aftur í skólann og leikskólar eru opnir. Tuttugu í stað fimm fái að stunda íþróttir utandyra Í kvöld birtu danskir fjölmiðlar fréttir upp úr tillögum sérfræðingahópsins, en tillögurnar eru að mörgu leyti svæðisbundnar og ná aðeins nokkrar þeirra til landsins alls. Þannig er lagt til að verslanir sem eru allt að fimm þúsund fermetrar fái að opna, með fjöldatakmörkunum þó. Á þetta til að mynda við um fataverslanir, bókabúðir og ýmsa sérvöruverslun, en þó nær þetta ekki til verslana innan verslunarmiðstöðva. Þá er lagt til að menningarstofnanir þar sem starfsemi er undir berum himni verði leyft að opna á nýjan leik. Tívolí í Kaupmannahöfn er ekki nefnt sérstaklega í tillögunum, en það er líklega sú menningarstofnun sem margir Danir og gestir Kaupmannahafnar bíða eftir að fá að heimsækja á nýjan leik. Grímuskylda er í almenningssamgöngum í Danmörku líkt og svo víða annars staðar í heiminum.Getty Þá er lagt til að tuttugu í einu fái að stunda skipulagt íþrótta- og tómstundastarf utandyra, en hingað til hafa ekki mátt fleiri en fimm koma saman í einu, hvort sem það er innan eða utandyra. Þá er það upptalið hvað varðar aðgerðir sem ná til landsins alls. Ekki er gert ráð fyrir breytingum á almennum fjöldatakmörkunum. Fá að mæta aðra hvora viku Til viðbótar er lagt til að á Norður- og Vestur Jótlandi verði námsmönnum sem eru á útskriftarári heimilt að mæta aftur í skólann aðra hvora viku. Þeim sem hyggjast mæta aftur í skólann verður þó gert að fara í skimun fyrir covid-19 tvisvar sinnum í viku. Þá er lagt til að starfsemi framhaldsskóla geti hafist að fullu á ný samkvæmt sérstakri áætlun um sóttvarnir sem unnin hefur verið af landlæknisembættinu. Fari smituðum enn fækkandi í öðrum landshlutum kemur til greina að sömu ráðstafanir taki gildi á fleiri stöðum eftir tvær vikur, eða þann 15. mars. Miðað er við að enduropnun verði að fullu náð um landið allt eftir páskafrí, eða þann 5. apríl, ef staðan í faraldrinum leyfir. Öll grunnskólabörn fá að fara í skólann í Bornholm Í Bornholm er lagt til að enn frekari tilslakanir taki gildi en í öðrum landshlutum. Þar er meðal annars gert ráð fyrir að öll grunnskólabörn fái að mæta aftur í skólann og í raun að allar menntastofnanir allt upp í háskólastig fái að hefja staðnám að nýju. Mette Frederikssen forsætisráðherra heimsótti grunnskóla á höfðuborgarsvæðinu daginn sem yngstu börnin fengu að mæta aftur í skólann. Skólasystkini þeirra í efri bekkjum á Sjálandi fá þó ekki að mæta aftur í skólann alveg strax. EPA/MADS CLAUS RASMUSSEN/DENMARK OUT Þar er einnig gert ráð fyrir að fjöldatakmarkanir fari upp í tíu manns á meðan áfram gildir víðast hvar að mest fimm megi koma saman. Þessu fylja þó ákveðin skilyrði. Þannig er mælt með að allir fari í skimun einu sinni í viku auk þess sem krafa verður um neikvætt covid-próf til að fá að ferðast til og frá Bornholm með ferju eða flugvél. Þrátt fyrir þessar tillögur er gerður sá fyrirvari að ef eitthvað breytist í þróun faraldursins kunni að vera gripið til hertra aðgerða á nýjan leik, sem kunni að vera staðbundnar. Um 450 greindust með covid-19 síðasta sólarhring í Danmörku sem er aðeins um tíu prósent af því þegar mest lét í desember þegar fjöldi daglegra smita fór á tímabili yfir fjögur þúsund.
Danmörk Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Bandarísk þota í vandræðum lenti í Keflavík Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira