Keflvíkingar hafa gengið frá tveggja ára samningi við markahæsta leikmann 1. deildarinnar í knattspyrnu á síðasta keppnistímabili, kínversku landsliðskonuna Linli Tu, en hún kemur til félagsins frá Fjarðabyggð/Hetti/Leikni.
Í tilkynningu frá Keflavík er Tu boðin hjartanlega velkomin til Keflavíkur. Það verður fróðlegt að sjá hvort hún verði á skotskónum í deild þeirra bestu í sumar.
Tu skoraði 16 mörk fyrir lið Fjarðabyggðar/Hattar/Leiknis á síðasta tímabili og átti sinn þátt í að liðið náði fimmta sæti sem nýliði í 1. deildinni.