Jóhannes Karl Guðjónsson, aðstoðarþjálfari íslenska karlalandsliðsins í knattspyrnu, hefur skrifað undir nýjan samning við KSÍ sem gildir til loka ársins 2025.
Jóhannes Karl, ávallt kallaður Jói Kalli, hefur verið aðstoðarþjálfari landsliðsins frá því í janúar árið 2022, fyrst við hlið Arnars Þórs Viðarssonar og undanfarið ár hefur hann verið Norðmanninum Åge Hareide til halds og trausts.
Í tilkynningu frá KSÍ segir að samningur Jóa Kalla muni framlengjast sjálfkrafa ef Ísland kemst í umspil um sæti á HM 2026 og sömuleiðis komist íslenska liðið í lokakeppni mótsins.