Francisco nýr framkvæmdastjóri Marport á Spáni

Francisco J. Barros hefur verið ráðinn í starf framkvæmdastjóra tæknifyrirtækisins Marport á Spáni, að því er segir í fréttatilkynningu frá fyrirtækinu. Marport framleiðir veiðarfæraskynjara og hugbúnað sem þeim fylgir í brú og er stærsta fyrirtæki sinnar tegundar í heiminum.

Francisco er með 15 ára reynslu í skipatækjabransanum og er með háskólagráðu í viðskiptafræði ásamt gráðu í tæknifræði með áherslu á rafeindabúnað. Hann hóf störf fyrir Marport árið 2009 sem aðstoðarmaður og hefur síðan gegnt ýmsum stöðum innan fyrirtækisins, síðast sem stjórnandi tækniþjónustu.

Marport var stofnað í Reykjavík árið 1996 en árið 2013 festi bandaríska fyrirtækið Aimar kaup á Marport, en Aimar er stærsti framleiðandi á botnstykkjum í heiminum.

Frétt af mbl.is

Bandarískt fyrirtæki kaupir Marport

• Blogga um frétt