Lögregla og slökkvilið á Akureyri vilja vara við mikilli hálku í bænum en þar hefur hlýnað um tvær til þrjár gráður og því mikil hálka á þeim stöðum þar sem enn var snjór.
Slökkviliðið biður gangandi vegfarendur um að nota brodda og þá sem eru akandi að fara varlega.
Rólegt var á Akureyri í nótt að sögn varðstjóra í lögreglunni þar.
Spáin gerir ráð fyrir austan 8-13 m/s og slyddu með köflum og snjókomu til fjalla á Norðurlandi eystra í dag en rigning við ströndina. Lægir eftir hádegi. Hiti kringum frostmark.
Vetrarfærð er í flestum landshlutum og flughálka á nokkrum stöðum um norðanvert landið.