Þrjú kórónuveirusmit greindust innanlands í gær og voru allir í sóttkví við greiningu, samkvæmt bráðabirgðatölum almannavarna. Ekkert smit greindist á landamærum.
Tölur á Covid.is eru ekki uppfærðar um helgar og því hefur ekki verið gefið út hversu mörg sýni voru tekin í gær.
Þrjú smit greindust einnig innanlands á föstudag og voru þau líka öll innan sóttkvíar.
Fimm smit greindust innanlands á fimmtudag og voru þau einnig öll í sóttkví. Þá greindist ekkert smit á landamærum.
Á miðvikudag greindust tíu smit en sjö þeirra sem greindust voru í sóttkví við greiningu.