Sport

Dag­skráin í dag: Meistaradeildardráttur, Subway-deildin, Dusty á Blast og golf

Hjörtur Leó Guðjónsson skrifar
Þór Þorlákshöfn tekur á móti Tindastóli í Subway-deild karla í körfubolta í kvöld.
Þór Þorlákshöfn tekur á móti Tindastóli í Subway-deild karla í körfubolta í kvöld. Vísir/Hulda Margrét

Það er sannkallaður maraþondagur framundan á sportrásum Stöðvar 2 þar sem boðið verður upp á 13 beinar útsendingar frá morgni til kvölds.

Stöð 2 Sport

Subway-deild karla í körfubolta á sviðið á Stöð 2 Sport í dag þar sem tveir leikir verða á dagskrá. Breiðablik tekur á móti Grindavík klukkan 18:05 áður en við færum okkur til Þorlákshafnar þar sem Þórsarar taka á móti Tindastól.

Að þessum leikjum loknum verður Körfuboltakvöld svo á sínum stað þar sem farið verður yfir allt það helsta úr leikjum kvöldsins.

Stöð 2 Sport 2

Fótboltinn ræður ríkjum á Stöð 2 Sport 2 og klukkan 11:00 verður dregið í átta liða úrslit Meistaradeildar Evrópu. Klukkutíma síðar er svo komið að því að draga í 16-liða úrslit Evrópudeildarinnar.

Þá fær ítalski boltinn einnig sitt pláss þar sem Sassuolo tekur á móti Spezia klukkan 17:20 og Empoli heimsækir Atalanta klukkan 19:35.

Stöð 2 Sport 4

Bein útsending frá Aramco Team Series - Singapore á LET-mótaröðinni í golfi er þegar hafin og verður í gangi fram eftir degi.

Stöð 2 eSport

Ljósleiðaradeildarmeistarar Dusty verða í eldlínunni í forkeppni Blast Premier mótsins þar sem liðið mætir Sprout klukkan 11:00. Klukkan 12:30 er svo komið að viðureign HAVU og Conquer áður en sigurliðamótið verður spilað klukkan 14:00 og tapliðamótið klukkan 15:30.

Ákvörðunarmótið fer svo fram klukkan 17:00 og verður spennandi að sjá hvort Dusty geti tryggt sér áframhaldandi þátttöku í forkeppni Blast í fyrsta sinn.




Fleiri fréttir

Sjá meira


×