Knattspyrnudeild KR hefur komist að samkomulagi við sænska markvörðinn Corneliu Sundelius um að leika með kvennaliði félagsins á tímabilinu.
Sundelius kemur frá sænska B-deildarliðinu Norrköping.
Hún er 23 ára gömul og fær leikheimild með Vesturbæjarliðinu á morgun.
Sundelius gæti því spilað sinn fyrsta leik strax á morgun þegar KR fær Breiðablik í heimsókn í fjórðu umferð Bestu deildar kvenna.
KR situr á botni deildarinnar án stiga eftir að hafa fengið á sig 11 mörk og skorað aðeins eitt í fyrstu þremur umferðunum.