Aðgerðastjórn á Austurlandi hefur beint því til sveitarfélaga á Austurlandi að ekki verði haldnar áramótabrennur í fjórðungnum þessi áramótin. Þetta kemur fram í tilkynningu aðgerðastjórnar Austurlands. 

Þá segir í tilkynninguni að fyrirspurnir hafi borist um mögulega opnun skíðasvæða. Aðgerðastjórn bendir á að reglur um íþróttaiðkun eigi við um skíðaiðkun einnig á skíðasvæðum. Því sér aðgerðastjórnin ekki fram á að skíðasvæði verði opnuð að óbreyttu.

„Aðgerðastjórn bendir og á að í gegnum Covid-mistrið megi nú glitta í fast land. Óvíst er þó hversu löng sigling er eftir. Þrautseigja og þolgæði okkar skipverja eru því ágæt einkunnarorð að styðjast við í þeirri stöðu. Því áréttar stjórnin hefðbundna möntru sína um að gæta að persónubundnum sóttvörnum, huga að fjarlægðarmörkum og grímunotkun, handþvotti og sprittun,“ segir í tilkynningunni.

Áfram er ekkert virkt Covid-19-smit á Austurlandi.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt