Danska konungshöllin hefur loks staðfest þann orðróm að Jóakim prins muni flytja til Washington D.C. í sumar ásamt fjölskyldu sinni.
Síðustu fjögur ár hafa þau verið búsett í Frakklandi og Jóakim sinnt stöðu varnarmálafulltrúa í sendiráðinu í París.
„Þann 1. september 2023 mun Jóakim prins taka við nýrri stöðu undir varnarmálaráðuneytinu sem aðstoðarforstjóri varnarmála við danska sendiráðið í Washington D.C. Prinsinn mun hjálpa til við að styrkja samstarf á sviði varnarmála við Bandaríkin og Kanada á næstu árum,“ segir í tilkynningu frá höllinni.
Staðan er til þriggja ára með möguleika á framlengingu.