Georgina Rodriguez unnusta Cristiano Ronaldo bannar honum að skipta um ljósaperu heima hjá þeim, hún óttast að hann meiðist við að skipta um peru.
Ronaldo fagnaði 36 ára afmæli sínu í febrúar, hann er þrátt fyrir aldurinn enn í fullu fjöri og raðar inn mörkum.
„Að skipta um ljósaperu heima hjá okkur er nánast ómögulegt, það er svo hátt til lofts,“ sagði Georgina um málið.
„Ef þú værir Cristiano Ronaldo myndir þú fara í svona verkefni? Alls ekki, hann á að hugsa um sjálfan sig og vera í sínu besta formi. Ég sé um restina, ég læt þetta allt ganga. Ég sé um heimilið og börnin.“
Georgina sagði frá því að Ronaldo þyrfti aldrei að elda mat, hún sjái um það og að hún reyni alltaf að hafa tilbúna máltíð þegar hann kemur heim eftir æfingu.
„Hann eldar ekki, eftir æfingu á hann skilið að koma heim í heita máltíð sem elduð er af ást. Við erum með kokk en stundum elda ég fyrir hann,“ sagði Georgina.