Kvennalið Aftureldingar í knattspyrnu hefur fengið belgíska miðjumanninn Alexöndru Soree að láni frá Breiðabliki.
Soree kom til Breiðabliks síðastliðið haust og tók þátt í öllum sex leikjum liðsins í riðlakeppni Meistaradeildar Evrópu.
Hún var búin að taka þátt í tveimur af þremur leikjum Breiðabliks í Bestu deild kvenna til þessa en nú er hún komin til liðs við nýliða Aftureldingar og freistar þess að hjálpa þeim í baráttunni á botni deildarinnar.