Fjórir úr hópi sænska landsliðsins í handknattleik eru í einangrun eftir að hafa greinst með kórónuveiruna og spila ekki með því gegn Þjóðverjum í dag.
Þrír þeirra eru leikmennirnir Max Darj, Niclas Ekberg og Daniel Pettersson en af þeim hefur Ekberg komið mest við sögu á mótinu. Sá fjórði er myndbandasérfræðingur liðsins, Björn Sätherström.
Svíar mæta Alfreð Gíslasyni og hans mönnum í þýska landsliðinu í milliriðli tvö klukkan 17 í dag. Bæði lið eru með tvö stig eftir tvo leiki og um lykilleik að ræða í slagnum um sæti í undanúrslitunum.