Kostnaður um 150 milljónir í ár
Setja bókamerki
Kostnaður við framkvæmd Söngvakeppninnar á RÚV og þátttöku í Eurovision sem haldin verður í Liverpool í maí verður um 150 milljónir króna. Það er sambærilegur kostnaður og í fyrra „að teknu tilliti til verð- og launahækkana,“ að sögn Rúnars Freys Gíslasonar, framkvæmdastjóra Söngvakeppninnar.
Í svari við fyrirspurn Morgunblaðsins um kostnað við komu norsku hljómsveitarinnar Subwoolfer, sem skemmtir á úrslitakvöldi Söngvakeppninnar, segir Rúnar að ekki sé gefinn upp kostnaður við einstaka skemmtiatriði.
„Heildarkostnaður við skemmtiatriðin í Söngvakeppninni á alla fjóra viðburðina verður í ár u.þ.b. 4.000.000 kr. sem er sambærilegt við síðastliðin ár,“ segir Rúnar. Auk Subwoolfer, sem skemmtir á generalprufu úrslitakvöldsins og úrslitakvöldinu sjálfu, hefur verið kynnt að Friðrik Dór Jónsson og Ragnhildur Gísladóttir koma fram hvort á sínu undanúrslitakvöldinu. Þá má búast við því að fleiri innlendir listamenn skemmti en það verður kynnt síðar.
Hægt er að nálgast umfjöllunina í heild sinni í Morgunblaðinu í dag.
Var sofandi þegar slökkvilið bar að garði
Kristrún og Bjarni tókust hart á um efnahagsmálin
Skuldahalinn lengist í Reykjavík
Fylgi Höllu hrundi eftir kappræðurnar
Spá launahækkunum nokkuð umfram kjarasamninga
„4-5% gólf sem við verðum bara að brjótast í gegnum“
María Sigrún svarar Degi fullum hálsi
Vill ekki „aumingjalegar“ lækkanir á röngum tíma