Alexander Már Þorláksson byrjar gríðarlega vel hjá Þór í Lengjudeildinni eftir að hafa gengið í raðir liðsins nýlega.
Alexander er sonur Þorláks Más Árnasonar sem er þjálfari Þórs og skoraði tvennu í kvöld er liðið vann KV 3-1.
Alexander gerði mörk sín snemma í seinni hálfleik áður en Harley Willard bætti við þriðja marki liðsins.
Selfoss var á toppnum fyrir umferðina en liðið tapaði heima gegn Vestra á sama tíma mjög óvænt, 1-0.
Deniz Yaldir skoraði eina markið í kvöld en hann var síðar rekinn af velli í seinni hálfleik.
Selfoss tókst ekki að nýta sér þann liðsmun og var Vestri að vinna sinn fjórða sigur í sumar.
Chris Jastrzembski fékk einnig að líta rautt spjald fyrir Selfoss en það kom í blálok leiksins.
Þór 3 – 1 KV
1-0 Alexander Már Þorláksson (’47)
2-0 Alexander Már Þorláksson (’54)
3-0 Harley Willard (’74)
3-1 Björn Axel Guðjónsson (’88)
Selfoss 0 – 1 Vestri
0-1 Deniz Yaldir (’45)