8 liða úrslit Mjólkurbikars karla fara fram miðvikudaginn 15. september. Tveir leikir verða sýndir í beinni útsendingu á Stöð 2 Sport. Leikur ÍR og ÍA sem hefst kl. 16:30 og leikur Fylkis og Víkings R. sem hefst kl. 19:15.
Enginn bikarmeistari var krýndur á síðasta ári en öllu var aflýst vegna COVID-19. Víkingar hafa því titil að verja frá árinu 2019.
Dregið verður í undanúrslit keppninnar í beinni útsendingu í Mjólkurbikarmörkunum á miðvikudagskvöldið.
Leikirnir
ÍR – ÍA á Hertz vellinum kl. 16:30
Vestri – Valur á Olísvellinum kl. 16:30
Fylkir – Víkingur R. á Würth vellinum kl. 19:15
HK – Keflavík í Kórnum kl. 19.15