Lögðu frönsku sjóliðana að velli
Setja bókamerki
Rugbyfélag Reykjavíkur vann góðan 7:0 sigur gegn liði af franska herskipinu Chevalier Paul. Birnir Orri Pétursson, forseti Rugbyfélags Íslands, segir að um hörkuleik hafi verið að ræða.
Leikurinn fór fram í Skessunni í gærkvöldi en boðið var til kvöldverðar að leik loknum í húsakynnum Alliance Francaise.
Birnir segir þetta leik herramanna og því sé ágreiningur ávallt skilinn eftir á vellinum.
Opið boð í sendiráðum um æfingaleiki
Þetta er ekki í fyrsta sinn sem Rugbýfélag Reykjavíkur keppir við lið af herskipum en þeir hafa keppt við bæði kanadíska og breska hermenn. Herskipum er gert viðvart um opið boð félagsins í gegnum sendiráð ríkjanna á Íslandi.
Birnir segir flest herskip vera með lið, þó þau lið spili stundum fleiri íþróttir en ruðning, en íþróttin nýtur gífurlegra vinsælda í Frakklandi og þeim ríkjum sem hafa tilheyrt breska konungsveldinu.
Með yfirhöndina gegn hermönnunum
Að sögn Birnis hefur reykvíska liðinu gengið vel gegn þessum herskipaliðum sem megi meðal annars rekja til betra skipulags og samhæfingar liðsins.
„Við æfum saman reglulega. Þó þeir séu kannski með fleiri leikmenn í betra formi og með meiri reynslu,“ segir Birnir og bætir því við að Rugbyfélags Íslands noti oft leikina til að gefa ungum og óreyndum leikmönnum séns.
Birnir segir íþróttina vaxandi á Íslandi eftir lægð á tímum heimsfaraldurs. Félagsmenn sinni kynningarstarfi á öllum skólastigum til að kynna íþróttina.
Verkefnin snúa að velferð fólksins
„Stjórnvöld láti af sjúklegri undirgefni sinni“
Brotum fjölgar og lögregla oftar vopnuð
„Síðustu leifar náttúrulegs lífs á Íslandi“
Ræða um rekstrarleyfi til 16 ára
Rímar „engan veginn“ við Veðurstofuna