Lögreglan á höfuðborgarsvæðinu handtók einstakling eftir að hann kastaði glerflösku í höfuð annars einstaklings.
Í dagbók lögreglu kemur fram að sá handtekni var vistaður í fangaklefa í þágu rannsóknar málsins. Brotaþoli var fluttur á bráðamóttöku til skoðunar.
Tilkynning barst um slagsmál þar sem börn áttu í hlut. Gerendur voru farnir af vettvangi á bifreið er lögreglu bar að garði. Þeir voru þó handteknir skömmu síðar þegar lögreglumenn veittu bifreiðinni athygli.
Alls fjórir einstaklingar voru í bifreiðinni og voru þeir allir handteknir og fluttir á lögreglustöð.
Sökum aldurs hinna handteknu er málið unnið með fulltrúum barnaverndar. Þeir voru látnir lausir eftir að rætt var við þá á lögreglustöð.
Brotaþoli er ekki talinn mikið slasaður.
Þá stöðvaði lögregla ökumann sem keyrði á 153 km/klst þar sem að leyfður hámarkshraði er 80 km/klst.