Varð stjórnlaust eftir að rafmagn sló út

Rafmagn sló út á frystiskipinu Pólfossi með þeim afleiðingum að það varð stjórnlaust og strandaði skammt frá bryggju.

Frétt af mbl.is

Pólfoss strandaði við Noregsstrendur

Þetta kemur fram í tilkynningu frá Eimskip vegna strands skipsins í gærkvöldi. Það var nýlagt af stað frá Kristiansund í Noregi þegar óhappið varð.

Skipið, sem er eitt af frystiskipum Eimskips sem þjónustar norsku ströndina, fékk aðstoð dráttarbáts og var komið að bryggju innan þriggja tíma. Engin hætta skapaðist fyrir áhöfn, frakt eða umhverfið, að því er kemur fram í tilkynningunni. Engir Íslendingar eru um borð. 

Unnið er að því að greina bilun og mögulegar skemmtir á skipinu. Vonast er til að þær séu óverulegar.

• Blogga um frétt