Morata sá um Dynamo Kiev - dramatík í Rússlandi
Setja bókamerki
Álvaro Morata skoraði bæði mörk Juventus þegar liðið vann 2:0-sigur gegn Dynamo Kiev í Úkraínu í G-riðli Meistaradeildarinnar í knattspyrnu í kvöld.
Staðan að loknum fyrri hálfleik var markalaus en í upphafi síðari hálfleiks kom Morata Juventus yfir eftir að hann fylgdi eftir skoti Dejan Kulusevski.
Morata bætti svo öðru marki við á 84. mínútu þegar hann skallaði fyrirgjöf Juan Cuadrado í netið af stuttu færi úr teignum og þar við sat.
Juventus er með 3 stig í efsta slti G-riðils á meðan Dynamo Kyiv er án stiga en Barcelona og Ferencváros mætast klukkan 19 í hinum leik riðilsins.
Sigurmark í uppbótartíma
Þá reyndist Charles De Ketelaere hetja Club Brugge í F-riðli keppninnar þegar liðið sótti Zenit frá Pétursborg heim í Rússlandi.
Emmanuel Dennis kom Club Brugge yfir á 63. mínútu áður en Ethan Horvath varð fyrir því óláni að skora sjálfsmark á 74. mínútu.
Ketelaere skoraði svo sigurmark leiksins í uppbótartíma og Belgarnir fögnuðu dýrmætum 2:1-sigri.
Club Brugge fer í efsta sæti riðilsins en Lazio og Borussia Dortmund mætast klukkan 19 á Ítalíu í hinum leik F-riðils.
Vantar fólk: „Þetta er gaman en það er ekki nóg“
Fannari líst ágætlega á aðgerðirnar
Ráðist á ferðamenn: „Það var blóð alls staðar“
Óljóst hvort þyrlan sé fundin
„Þær áttu bara að læra sína lexíu“
„Okkur mun ekki bregða“
Lögregla hafi hvatt til afturköllunar kæru
Fann bein og tönn úr dýrum í sprungunni