Fjöldi særðra í skotárás í verslunarmiðstöð

Skotárás var gerð í verslunarmiðstöðinni Mayfair Mall í Wauwatosa nærri Milwaukee í Bandaríkjunum rétt í þessu. Fjöldi fólks mun hafa særst í árásinni, en lögreglan hefur ekki enn haft hendur í hári árásarmannsins. CNN segir frá. 

Bæjarstjóri Wauwatosa, Dennis McBride, segir við CNN að þrátt fyrir mikinn fjölda særðra virðist enginn vera í lífshættu. Þá sagði McBride að árásarmaðurinn væri ekki fundinn en 75 lögregluþjónar séu á vettvangi árásarinnar.

• Blogga um frétt