Tveir af lykilmönnum enska landsliðsins í knattspyrnu verða ekki með í leiknum gegn Íslandi á Wembley í Þjóðadeild UEFA á miðvikudaginn vegna meiðsla.
Fyrr í dag var greint frá því að Jordan Henderson, fyrirliði Englandsmeistara Liverpool, yrði frá í nokkrar vikur en hann fór meiddur af velli í hálfleik í 2:0-tapi Englands gegn Belgum í gær.
Raheem Sterling, sóknarmaður Manchester City, tók ekki þátt í þeim leik vegna meiðsla í kálfa en Gareth Soutgate, landsliðsþjálfari Englands, hefur nú staðfest að hann nær ekki leiknum gegn Íslandi heldur. Sky Sports segir frá þessu.