Hásinin slitin hjá landsliðsmanninum

Hörður Björgvin Magnússon, landsliðsmaður í knattspyrnu, er með slitna hásin og þarf að fara í aðgerð vegna þessa. Hann leikur því ekkert meira með CSKA Moskvu á þessari leiktíð. 

Hörður, sem leikur með CSKA Moskvu í Rússlandi, var borinn af velli á 70. mínútu er liðið vann Tambov á útivelli í rússnesku úrvalsdeildinni í gær.

Leik­ur­inn í gær var sá fyrsti und­ir stjórn Króat­ans knáa Ivica Olic og voru bæði Hörður Björg­vin og Arn­ór Sig­urðsson á sín­um stað í byrj­un­arliði CSKA Moskvu. Arnór lék allan leikinn.

• Blogga um frétt