Valur mætir Hayesa frá Armeníu í undanúrslitum í fyrstu umferð Meistaradeildar kvenna í knattspyrnu.
Ef Valur vinnur þann leik mætir félagið annaðhvort Pomurje Beltinci frá Slóveníu eða Shelbourne frá Írlandi í úrslitum fyrstu umferðarinnar. Þetta eiga að vera vel viðráðanlegir andstæðingar fyrir Val.
Fyrsta umferðin er leikin dagana 18. og 21. ágúst í einu af löndunum fjórum en félögin eiga að koma sér saman um leikstað.
Þann 1. september verður síðan dregið til 2. umferðar sem leikin er tvær síðustu vikurnar í september. Þar er spilað um sæti í riðlakeppni Meistaradeildarinnar sem hefst 19. október og er leikin til 22. desember.