Liverpool hefur samþykkt tilboð Monaco upp á 18 milljónir punda í Takumi Minamino.
Minamino hefur sjálfur samið um kjör við Monaco en á eftir að fara í læknisskoðun. Hann er staddur í heimalandi sínu, Japan.
Liverpool mun fá 15 milljónir evra til að byrja með og geta þrjár milljónir svo bæst við þá upphæð.
Minamino kom til Liverpool frá RB Salzburg snemma árs 2020 fyrir 7,25 milljónir punda en hefur aldrei tekist að verða fastamaður á Anfield. Hann lék aðeins ellefu leiki í ensku úrvalsdeildinni á síðustu leiktíð. Í einum þeirra var hann í byrjunarliðinu.
Japaninn lék á láni hjá Southampton á þarsíðustu leiktíð.
Alls hefur Minamino skorað 14 mörk í 55 leikjum fyrir Liverpool.