Liðsmenn Wagner yfirgefa Bakhmút
Setja bókamerki
Yfirmaður rússnesku málaliðasveitarinnar Wagner segir að hersveitir sínar séu byrjaðar að yfirgefa stöður sínar í borginni Bakmút í austurhluta Úkraínu og láta þær í hendur rússneska hersins.
„Við erum að draga hersveitir okkar frá Bakmút í dag,” sagði Jevgení Prígosjín í myndskeiði sem var birt á samfélagsmiðlum.
„Við erum að láta stöður okkar í hendur hersins, ásamt skotfærum og öllu öðru,” sagði Prígosjín, sem er 61 árs stuðningsmaður Vladimírs Pútíns Rússlandsforseta.
Prígosjín bætti við að einhverjar sveitir Wagners gætu verið áfram á svæðinu ef rússneski herinn lendir í vandræðum.
Bæði Wagner og rússneski herinn sögðu um helgina að Bakmút væri fallin. Úkraínumenn segja aftur á móti að hersveitir þeirra muni halda áfram að berjast í borginni.
„Búið að vera í dreifingu í einhvern tíma“
Segjast hafa skotið niður langdræga sprengjuvél
Nauðgaði kærustu sinni og tók það upp
Mikilvægt að vera á tánum
Færa slökkviliðið til nútímans
Hyggjast leyfa fólki að skoða gosið